Christmas Party & Christmas Shopping - iii

Pangalawang overnight ko kila Shen kagabi para sa Christmas party. Natanggap ko ang regalo ni Pro na sama sama naming binili noong isang araw. Ang lakas ng bulong ng kahilingan ni Ludwick, akalain mong kahihiling na sana makuha niya ang Starbucks tumbler ni Jojo ay nakuha niya kahit walang hiling sa riles. Ang ginawa buong gabi hanggang madaling araw ay manuod ng comedy DVD at naglaro ng mini games. Di ko type yung mga pinanuod namin kaya inantok ako kaagad. Nauna na kaming matulog nila Roan. Pati si bud hindi rin pinalampas ang beauty rest. Nagsiuwian kami kinaumagahan; sila Cora, Pro at Shen sa kani-kanilang probinsya. Sayang yung ice cream may natitira pa at nasa ref ng apartment ni Shen. Ang masama e ang master switch ay naka-off at maiiwan yung ganun hanggang Dec 26. Sa bagay sabi nga ni Ludwick, "Di bale nang matunaw ang ice cream, kesa matunaw ang bahay!" Kami ni Ludwick nagtungong Robinson's place para magshopping.

Ay grabe, nag-LRT kami kasama sila Shen at Pro pero magkakahiwalay kami! Ang dalawa ay nasa female section at ako kasama si bud sa male section! Hindi tumalab ang beauty ni Ludwick dahil di sya pinayagan ni mamang gwardya sa female section. Dala dala ko ang malaking "maleta" at mas malaking plastic na naglalaman ng napakalaking regalo ni Pro habang nakasakay sa sobrang sikip na tren na punung-puno ng mga mababantot at mapapapanget na kalalakihan. Si bud ang kawawa, nasandwich sya sa mga kili-kili ng dalawang mama. Tahimik nga sa male section pero sobrang sardinas naman. Pagbaba ng Pedro Gil e nagspray kami ng pabango!

As usual tindahan ng damit at laruan ang nilibot namin. Nakita nanaman namin yung mga spy toys at lumilipad na UFO. Pati yung action figure ng W.I.T.C.H. at Sylvanians nakita ko! Ang tagal naming naglibot sa Rob Place pero buti na lang may nabili (hindi laruan :() kami kahit kakarampot lang. Bumabarat pala ang tao pag nagkatrabaho. Nagkasundo kami ni bud na mahirap gastusin ang pinaghirapan mong kitain. Kaya pala kuripot ang mga magulang! (haha)

Umuwi kami ng ala-sais. Bumaba kami sa Red Ribbon at bumili ng cake. Hindi na rin namin natiis ang pagiging kuripot. Minsan lang naman e, sa susunod na magtipid.